展翀同爸爸愈來愈friend, 兩父子常常情深對望, 又成日玩騎膊馬, 爸爸同佢玩扮鬼臉就最開心. 好彩我同展翀都好好感情, 他每朝見到我就笑到咪晒眼, 最鐘意比我抱, 玩體操和按摩. 近日多咗人話展翀嘅笑容似我, 呵呵!!

展翀已經識自己反身&轉身, 一放低佢就轉. 自從上次他由BB車跌落地之後, 我好驚佢再跌到, 真係睇少眼都唔得. 經過一輪比較之後, 我終於買咗Disney World of English. 依家每天除咗聽歌, 玩閃咭, 講故事, 仲要玩埋Disney (唔睇DVD). 再加埋食糊仔和粥仔, 我感覺到展翀已經逐漸長大, 唔再係每天只管瞓覺和食奶的BB^^

展翀就嚟半歲啦! 我哋帶他參加0901媽咪攪的6 Months Birthday Party. 一次過見到咁多BB真係好震撼, 出乎意料地現場沒有太多BB哭鬧聲. 我哋同翀仔玩得好開心, 仲收咗好多禮物:) 最驚喜翀仔嘅相片獲投票得到最上鏡BB & 最似模似樣父子. 真係要多謝投票支持翀仔嘅父母:)