Ég fór í fjórar ferðir á þetta svæði í sumar. Fyrst gekk ég hina hefðbundnu Vatnaleið frá Hlíðarvatni að Hreðavatni, með FÍ. Í annarri ferðinni gekk ég frá Hlíðarvatni á Geirhnúk og niður að Hítarvatni og fór einnig að Bjarnarhelli. Í þriðju ferðinni gekk ég af Langavatnsmúlanum, milli Þórarinsdals og Kvígindisdals og fram á brúnirnar við Háleiksvatn. Í síðustu ferðinni fór ég upp að Grjótárvatni.