今日發現兩隻被花王淋濕o既貓B﹐企係公園花圃邊喵喵叫﹐我諗係叫媽咪啦。
我對附近o既貓都幾熟﹐近來都無大肚中o既貓﹐所以相信呢兩隻係被人遺棄o既。
由於貓B 貪食同無知﹐好易會誤入附近漁農處o既捕貓籠﹐於是決定帶佢地走﹐之後再幫佢地搵屋企。

浙醋身型比較健碩﹐活潑好動。
大紅就斯文o的。

大紅同浙醋應該有個多月大﹐性別不詳。
兩位小朋友起初有o的驚﹐熟o左次後就好粘人。

如果你或者有朋友打算養貓﹐考慮下佢地啦。
佢地而家係阿貓地攤﹐有興趣o既可以去睇下佢地o架。