一大清早, 同導遊講掂數後, 佢就車左我地去佢個興建中既魚塘渡假屋影相 !! 目的就係將我地副相upload落佢網頁 hard sell 既個度假村. 我地唯有“應附式”地係個大泥窪前擺個V 形手勢影左兩張相. 之後我地就去我地今次行程另一個“重頭戲”--- 全球 100 大酒店—Magellon Sutera Harbour Hotel !!

Magellon Sutera Harbour Hotel 不愧為全球 100 大酒店, 一入房間, 就望到一張 King Size 大床、寬闊木制大露台以及超大浴室連按摩大浴缸, 十分豪華舒適. 酒店內的設施還有一個小麥哲倫兒童玩樂室、兩個優閒泳池, 、一個標準 50m 的直池、私人小沙灘以及健身室等... 簡直是一個小天堂 !! 之後我地無聊地行左去鄰近既 Pacific Hotel, 但感覺就差太遠啦 !! 如果用 resort 來形容 Magellon, 那麼用“高級商業酒店”來形容 Pacific Hotel 就最好不過. 我諗可能Pacific Hotel 主要 sell 結婚場所, 所以整個酒店只有 2 個小泳池, 外形都是四四方方的, 普通過普通 !! Unlike Unlike!!

晚上坐酒店巴士到菲律賓夜市, 嘆左個抄麵同豬扒飯, 不過不失啦 !!