Í júlí 2000 hélt ferðahópurinn í sína árlegu sumarferð. Að þessu sinni var haldið til Vestfjarða. Ferðin hófst formlega í Hólmavík þótt hluti hópsins héldi áleiðis vestur degi fyrr og náttaði í Snartartungu í Bitrufirði, þar sem börnin fengu að fara á hestbak morguninn eftir.

En ferðin hófst semsagt um hádegisbil á Hólmavík. Ekið var um Strandir (með Balafjöllum til Kaldbaksvíkur, Veiðileysu, Gjögurs, Djúpuvíkur í Reykjafirði, Trékyllisvíkur, Árnesss, Norðurfjarðar, þar sem gist var hjá FÍ, Ingólfsfjarðar og allt til Ófeigsfjarðar. Þá var ekið til til baka og gist á Bæ á Drangsnesi, þaðan til Reykjaness með viðkomu á Snæfjallaströnd. Síðan var haldið í höfuðstaðinn, Ísafjörð, og siglt til Jökulfjarða; Hesteyrar með viðkomu í Grunnavík á leið til baka. Og svo koll af kolli, komið var við í hverjum þéttbýlisstað og hver slóði ekinn, þar til komið var til Brjánslækjar. Þar lauk ferðalaginu formlega. Hver hélt til síns heima nema Bolli og Hrafnhildur sem fóru til Kópaskers, þar sem Eyja á vinkonu. Þar var gist eina nótt og síðan haldið til Egilsstaða, þar sem slakað var á í sumarbústað í viku. Sjá nána um Vestfirði í Ferðavísi.

A trip to the west fjords in Iceland.