Fimmtudaginn 15. maí 2003 lögðum við Hrafnhildur ásamt Jóni Sverri og Þóru, Skúla og Bessa og Jóni og Sibbu af stað austur í Jöklasel við rætur Skálafellsjökuls, þar sem Bjarni staðarhaldari tók vel á móti okkur. Morguninn eftir héldum við á jökul í glampandi sól og með stórkostlegu útsýni allt til Portúgals. Færið upp Skálafellsjökul var allgott. Á Breiðubungu hittum við þrjá göngugarpa sem sátu í makindum við tjöld sín og drukku kaffi og hlustuðu á fréttir. Eftir stutt spjall héldum við af stað aftur með stefnu á Hveragil. Færið varð æ betra og hraði um 80 km á klst. Í Hveragili böðuðum við okkur í steikjandi sól og hita. Færið uppá Kverkfjallahrygg var mjög þungt og dugðu einungis rólegheit og þolinmæði. Í fyrsta gír og hægagangi miðaði okkur þó jafnt og þétt. Við vorum á Grímsfjalli um kl. 18 og elduðum þar stórgóða kjötsúpu. Morguninn eftir fórum við að Þumli, kíktum á Grænalón og héldum til baka til Grímsfjalls. Færið var stórkostlegt og hraði eins og á malbikuðum þjóðvegum landsins. Á Grímsfjalli hittum við fyrir á þriðja tug manna og var ákveðið að halda til byggða. Við grilluðum í Jökulheimum eftir 57 mín. akstur frá Grímsfjalli og héldum að því loknu heim til höfuðborgarinnar. Þetta var stórkostleg ferð með góðum ferðafélögum! Það hefði sett punktinn yfir i-ið ef Sigurlaug og Inger, Svenni og Svanhildur og María og Halldór hefðu verið með líka - en það verður ekki alltaf við öllu séð. Myndirnar tóku Jón Sverrir og Þóra nema þær sem merktar eru öðrum.

This gallery show our trip from Jöklasel at cap Skalafellsjokull (a tounge to south from glacier Vatnajokull) - across Vatnajokull to Hveragil (east of Kverkfjoll) - Grimsfjall on glacier Vatnajokull - Jokulheimar and then to Reykjavik.