Vöknuðum 1.30 aðfararnótt 29.4. og lögðum af stað í göngu frá Sanfdelli kl. 3 áleiðis upp Kotárjökul. Kalt var í byrjun enda sólin ekki risin og var því mikilvægt að stoppa ekki lengi í pásum. Vorum komin um 7 leytið uppá sléttu skammt vestan Rótarfjallshnúks, þar sem sólin skein. Hófst þá löng ganga í erfiðu færi vegna snjódýptar yfir sléttuna áleiðis til Sveinstinds með viðkomu á Sveinsgnípu. Snjóskelin hélt ekki, sukkum 20-30 cm í nær hverju skrefi. Vorum rúmar 2 klst. á leiðinni. Í matarhléi þar gerðust næstum því alvarlegt slys er sprunga opnaðist og maður féll niður að öxlum en gat heldið sér á höndum og með því að spyrna þar sem hægt var. Fyrir snarræði tókst að ná tökum á honum áður en snjóskelin brást endanlega og vippa upp aftur. Fyrir neðan var breitt svart hyldýpi, amk 25 m. Áfram var haldið og nú yfir og með endilöngum eggmjóum Sveinstindi, sem er ekki fyrir lofthrædda. Við tók 2 klst. ganga í blindu og ísingu í átt til Hvannadalshnúks, gengið var meðfram Snæbreiði. Broddar settir á og þegar komið var upp birti til og við sáum til allra átta. Vorum þar um kl. 17.30. Þá var gengið niður og haldið til baka niður Sandfellsleiðina. Komum í hús aftur um kl. 23.