Sumarið 2002 var ákveðið að farið skyldi um Skagafjörð og nærsveitir og hófst ferðin um miðjan frídag verslunarmanna, í Steinsstaðaskóla í Lýtingsstaðahreppi, sem tekinn var á leigu eins og hann lagði sig. Reyndar lá hluta hópsins svo mikið á að komast af stað að hann fór norður strax í upphafi verslunarmannahelgar, hélt til í Húsey, skammt frá Varmahlíð, þar sem legið var í endalausu leti og áti.


Veðrið var ekki sem verst enda þótt mátt hefði vera hlýrra. Aumingja börnin voru kappklædd alla daga og öll kvöld og það fór lítið fyrir sólböðum okkar hinna! Við gerðum þó gott úr öllu saman og fórum á hestbak, skoðuðum Grettislaug, Vesturfarasafnið, Drangey, Ábæjarkirkju og litum við hjá Merkigili. Við sigldum niður Vestari Jökulsá, ókum með Goðdalafjalli til Skiptabakka, héldum áfram og yfir Jökulsá að Ingólfsskála og þaðan niður Eyjafjörð til Akureyrar svo fátt eitt sé nefnt. Semsagt mjög góð ferð! Myndir eru teknar af Halldóri Jónssyni jr og Bolla.

See the area North Iceland West on Travel Guide.