Í sumar hjóluðu vinkonurnar ásamt fylgisveinum yfir Sprengisand frá Versölum til Hrafnagils. Þetta er mjög eftirminnlegt ferðalag. Leggurinn frá Versölum til Nýjadals var langerfiðastur vegna hækkunar og mikils mótvinds alla leið. Bolli komst létt frá því sem trúss en hvatti vini sína óspart alla leið til áfangastaðar, þar sem fljótega tók við sögustund í boði skálavarðar. Næsta dag (Nýidalur - Laugafell) slógust menn um að fá að aka Lúxa sem var auðfengið. Loksins fékk Bolli að hjóla. Dafurinn var tóm gleði vegna undanvinds og hnjúkaþeys. Þriðji dagur var ekki síðri og eftirminnilegast í huga allra var leggurinn niður í Eyjafjörð, brött brekkan og eftirvæntingin að komast í Hrafnagil þar sem við fórum í sund. Þar lauk ferðalaginu formlega. Þaðan héldum við hvert sína leið, sumir áfram í annað ferðalag, aðrir beint suður vegna vinnu. Við Hrafnhildur héldum til Veru og Góa, skólastjóranna á Skagastrund sem tóku á móti okkur með langþráðu grilli a la Gói.