Þetta myndasafn sýnir myndir af móðurætt minni frá Ísafirði. Langamma og langafi, Bjarney og Sigurgeir bjuggu á Sólgötu 7. Fyrsta myndin er af fjölskyldunni, afa og ömmu og börnum þeirra, þar sem amma Vala er á meðal. Safnið sýnir einnig ömmu Völu og afa Kjartan Reyni, stýrimann sem fórst með togaranum Apríl skammt suður af landinu þann 1. desember 1930. Þá var mamma, Ásdís, 6 mánaða gömul og amma ófrísk af tvíburunum Valborgu og Kjartani. Amma gisftist aftur mörgum árum síðar, Ólafi Halldórssyni frá Varmá. Þau eignuðust tvær dætur, Erlu og Halldóru (Dóru). Þau bjuggu allan sinn búskap á Bragagötu 25, þar sem ég var leiguliði í rúman áratug. Við amma fórum oft í bíó og einu sinni með skólafélögum mínum í MH, strákunum, óafvitandi á ljósbláa mynd í Háskólabíó. Þá hnussaði nú í ömmu.