Við höfðum talað um það all nokkuð við Hrafnhildur, Bessi og Inger að ganga Esjuna frá Laufskörðum til Hvalfjarðarafleggjara. Þegar til kom, spáin ágæt og við í fríi, ákváðu Skúli og Sigurlaug að slást með í för. Gangan hófst um kl. 10 skammt frá Þverárkoti. Héldum fyrst á Móskarðshnjúka, þaðan um Laufskörð uppá Esju og þaðan á Hábungu. Á leið þangað ákváðu reyndar Bessi og Hrafnhildur að koma við á Hátindi. Eftir það var leiðin hefðbundin, bara stikað áfram. Í stuttu máli þá er þetta ein af þessum "been there done that" ferðum. Stórgrýti mestalla leiðina með stuttum melarflákum á milli. Útsýni lítið, maður er lengst inná fjalli og útsýni til allra átta fátt annað en grjót. Þó, þrátt fyrir allt erum við öll ánægð eftir daginn enda fátt betra en mikil líkamleg þreyta. Þetta ku vera skilgreind sem erfið leið hjá ferðafélögunum. Samantekt: 26 km, samanlögð hækkun um 1.300 m.